Nagsumite og guilty plea si US Presidential son Hunter Biden sa iyang federal tax evation case.
Una ng gipanghimakak sa 54-anyos nga si Biden ang alegasyon nga milikay siya nga bayaran ang $1.4-milyon nga income tax sugod 2016 hangtod 2019.
Sa unang plano niini gusto niya nga musulod sa ginatawag nga ‘Alford plea’ kung asa dawaton niya ang mga kaso samtang ginapabilin ang iyang pagka-inosente sa kaso.
Human nga basahon sa piskalya ang 56 ka panid nga desisyon batok kaniya, misugot si Biden nga iyang nahimo ang tanan sa mga krimen.
Gipaklaro sa abogado niini nga si Abbe Lowell nga gusto sa iyang kliyente nga ipadayon ang pagdungog alang sa kaayohan sa pribadong interest aron dili na mutestigo ang iyang mga higala og pamilya kabahin sa paggamit niini og iligal nga droga.
Gibutyag ni Judge Mark Scarsi nga ang pagsumite og guilty plea ni Biden pwede kining mabilanggo og 17 ka tuig og may mulya nga tunga hangtod sa usa ka milyon ka dolyar.
Gikatakda kining basahan og desisyon sa Disyembre.
