Gibutyag sa National Bureau of Investigation (NBI) nga sumala kang Police Senior Superintendent Audie Latuheru, nadakpan si Alice Guo o Guo Hua Ping sa Tangerang City, Jakarta, Indonesia kaganihang alas 1:30 sa kaadlawon, September 4, 2024.
Sa eksklusibong pakighinabi sa Bombo Radyo kang NBI Director Jaime Santiago, gibutyag niining kasamtangan matod pa nga anaa sa kustodiya sa Indonesian Police sa Jatanras Mabes Polri si Guo.
Gibutyag sa interbyu sa Bombo Radyo ni National Bureau of Investigation Director Atty. Jaime Santiago nga mismo ang Indonesian authorities ang midakop kang Guo nga gilayong gipahibalo usab sa gobyerno sa Pilipinas.
Namahayag si Santiago nga gilayon sila makig-alayon sa Indonesian government aron mahikay ang pagpapauli kang Guo.
Si Guo unang giimbestigahan sa Senado kay nagpatuo nga may dugong Pinoy ug may kalambigitan sa mga kalihukan nga ilegal sa Philippine Offshore Gaming Operators o POGO sa Tarlac ug ubang probinsya sa Luzon.
Una nang mieskapo si Guo mismo sa kasamtangang imbestigasyon sa mga senador sa illegal POGO hubs diin apil siya nga gitudlo nga utok niini.
