GENERAL SANTOS CITY – Manguna sa hisgutan sa 24th Tuna Congress karong adlawa ang kamugnaan sa Department of Fisheries and Aquatic Resources.
Sumala kang Kendrick Teng ang Chairperson sa 24th National Tuna Congress nga makadaghan na nila giduso ang naasoy nga resolosyon ug ang kopya niini nahatag na sa Senado lakip sa Kongreso ug sa uban pang buhatan sa gobyerno.
Gipaklaro ni Teng nga 12 ka tuig na nga gipangayo sa mga stakeholders sa Tuna Industry nga mamugna ang naasoy nga buhatan.
Naglaum sila nga makatabang si DA Secretary Francisco Laurel Jr. sa pag lobby niini sa ubang buhatan sa gobyerno tungod ang nahishgutang opisyal ang usa usab sa stakeholder sa fishing Industry.
Gani sa gipahigayon nga National Fisheries Summit kaniadtong 2021 ilang giawhag ang Senado maingon man ang House of the Representatives nga mugnaon na ang DFAR gani may sugyot balaud na nga napasaka sa duha ka balay balauranan.
Kaniadtong Nobyembre 2023 nagpahigayon ug Joint meeting of the Committees on Government Reorganization and Aquaculture and Fisheries Resources sa kamugnaan sa DFAR.
Ipahigayon ang Tuna Congress sa Robinsons Place, brgy. Lagao ning syudad.
