Pinoy wheelchair racer Mangliwan mitapos sa ulahing pwesto sa Paralympics

Mitapos sa ikawalo ug kataposang pwesto ang Filipino wheelchair racer nga si Jerrold Mangliwan sa men’s T52 finals sa Paris Paralympics.

Nakatala kini og 1 ka minuto ug 4.55 segundos sa duwa nga gipahigayon kagahapong adlawa Sabado.

Ang nanguna sa maong duwa ang taga Belgium nga si Maxime Carabin nga nanguna sa oras nga 55.10 segundos.

Tungod niini nakuha ni Carabin ang trono gikan kang Tomoki Sato sa Japan nga nakadaog lang og silver sa oras nga 56.26 segundos.

Samtang nakuha ni Tomoya sa Japan ang bronze medal sa oras nga 1:01.08.

Samtang aduna pay tsansa si Mangliwan nga makakuha og medalya kon molampos siya sa men’s 100 meter T52 karong umaabot nga Septiyembre 6.