Nagpagawas na og pahayag ang Department of the Interior and Local Government kabahin sa temporary protection order nga gipagawas sa Davao City RTC Branch 15 .
Sumala sa ahensya, magpadayon ang pagserve niini og warrant of arrest batok kang KOJC Pastor Apollo Quiboloy og sa uban pang kaubanang akusado niini.
Gipaklaro ni DILG Secretary Benhur Abalos, wala nahisgot sa maong temporary protection order ang pagbawal sa pag-serve og arrest warrant sa puganteng pastor.
Klaro usab nga walay kamandoan ang Davao RTC nga mubiya sa lugar ang PNP.
Gisiguro usab niini nga ipabilin nila ang pagrespeto sa tawhanong katungod sa matag miyembro sa KOJC og ang legal nga proseso.
Dugang pa ni Abalos nga ilang ipatigbabaw ang justice system og rule of law sa nasud.
Gihimo sa opisyal ang pahayag human nga paburan sa korte ang hangyo sa Kingdom of Jesus Christ.
Gimando sa korte sa PNP nga tangtangon ang tanang matang sa mga barikada, barriers or blockades nga muharang sa pagsulod sa mga miyembro sa KOJC nga nahimong hinungdan aron pugngan ang katungod sa mga miyembro sa KOJC, religion freedom og academic rights.
Gipaklaro usab ni Abalos nga ang mga barikada sa PNP sa compound og ang ilang operasyon, dili bahad sa kinabuhi, kagawasan ug seguridad sa mga miyembro sa KOJC.
