Gipaniguro sa Armed Forces of the Philippines (AFP) nga padayon nilang ipatuman ang ilang misyon sa West Philippine Sea bisan pa sa padayong pagharas sa China sa exclusive economic zone sa nasod. Matod sa AFP magpadayon ang ilang mga misyon busa kinahanglan nila ang suporta sa katawhang Pilipino.
Gipasalig nila nga bisan unsa pa ang mahitabo, magpadayon ang ilang misyon.
Kahinumduman nga ang China Coast Guard midasmag na usab sa BRP Datu Sanday nga gigamit sa Bureau of Fisheries and Aquatic Resources kon BFAR duol sa Escoda Shoal.
Sa usa ka pamahayag, mialegar ang CCG miingon nga ang BRP Datu Sanday “ilegal nga misulod” sa teritoryo sa China ug nagpadayon sa pagpaduol sa mga barko sa “peligro nga paagi.”
Apan gihingusgan sa AFP ang BRP Datu Sanday mipahigayon og humanitarian mission gikan sa Hasa-Hasa Shoal aron sa paghatod sa diesel, pagkaon, ug medical supplies sa mga mananagat nga mga Pinoy sa Escoda Shoal.
Ang Hasa-Hasa Shoal nahimutang 60 nautical miles gikan sa Palawan. Matud sa National Security Council kon NSC, nga luwas na ang mga pasahero sa BRP Datu Sanday gikan sa encounter sa AFP ug China coast Guard.
