Gisulod sa gibanabanaang 2,000 ka mga pulis ang Kingdom of Jesus Christ compound sa Buhangin, Davao City aron pangitaon si Pastor Apollo Quiboloy og kaubanan niining mga akusado aron nga mag-serve og warrant of arrest.
Gikan ang mga pulis sa Regional Office XI og ang compound ni Quiboloy ang nahimutang usab sa Buhangin District, Davao City.
Sumala kang Brigadier General Nicolas Torre III, PNP Region XI director, alas 5:27 sa sayo sa buntag nagsugod ang ilang pagsulod sa compound.
Kahinumduman nga tumong sa kapulisan nga mag-serve og arrest warrant kang Quiboloy kaniadtong Hunyo 10, 2024 sa Davao City og sa maong higayon, adunay gipanggamit pa nga mga hagdanan
nga gikasuko usab sa mga supporters ni Quiboloy nga nagahulat sa gawas.
Ang maong self-proclaimed appointed son of god ang nag-atubang sa kaso nga paglapas sa Section 5(b) sa Republic Act 7610 ukon Special Protection of Children Against Abuse, Exploitation, and Discrimination Act og Section 10(a) sa maong balaud.
Nag-atubang usab si Quiboloy og non-bailable Qualified Human Trafficking charge ilawom sa Republic Act No. 9208 sa Pasig court apan gipanghimakak kining tanang mga akusasyon kaniya.
