Business partner ni Alice Guo nga si Cassandra Ong og igsuon niining si Sheila Guo, isalang karong adlawa sa inquest proceedings

Gikatakdang isalang karong adlawa sa inquest proceedings si Sheila Guo og Cassandra Ong human ang malampuson nga pagpabalik niini sa nasud kagabie.

Si Sheila Guo, igsuon ni dismissed Bamban Mayor Alice Guo samtang si Cassandra Li Ong gikanayong business partner sa kanhi mayor.

Ang duha parehong incorporator sa POGO Hub sa Porac, Pampanga nga gi-raid sa mga otoridad.

Sa karon anaa sa kustodiya pa sa National Bureau of Investigation si Guo og Ong samtang miabot na usab kaganiha ang ilang tagsa-tagsa nga mga legal counsel.

Base sa impormasyon, posibleng sa NBI o DOJ ang inquest proceeding sa duha.