Nagpahimangno si Health Secretary Ted Herbosa batok sa community transmission sa mpox ukon nailhan kanhi nga monkeypox virus.
Kini human sa kumpirmasyon nga naka-rekord na ang Pilipinas og una nga kaso sa maong balatian human sa pagdeklara sa World Health Organization (WHO) nga usa ini ka public health emergency.
Sumala sa Department of Health (DOH) chief, usa ka 33-anyos nga lalaki sa Metro Manila ang infected nga sa pagkakaron gihilanat og adunay rashes sa nawong, likod, tangkugo, lawas, palad, og uban pa nga parte sa lawas.
Ginatambalan kini sa pagkakaron sa usa ka government hospital og nagapadayon ang contact tracing.
Walay history ang pasyente nga naka-byahe kini sa gawas sa nasod nga nagpasabot sumala ni Herbosa nga dinhi sa Pilipinas nagagikan ang virus og dili kini imported.
Kahinumduman nga una ang bag-o nga outbreak sa Africa, adunay siyam na nga daan ka kaso sa Pilipinas kaniadtong 2023.
Ang mpox usa ka balatian nga gikan sa monkeypox virus.
Lakip sa sintomas niini mao ang skin rash ukon mucosal lesions nga ubanan og hilanat, pagsakit sa ulo, maskulo, likod, pagkaluya.
