Gisiguro sa Department of Foreign Affairs (DFA) nga adunay nakalatag na nga contingency measures alang sa mga Filipino sa Lebanon kung mga pag-atake didto nga gikan sa Israel.
Matud ni DFA Undersecretary Eduardo de Vega nga sa pagkakaron, ang Alert Level 3 pabiling gipataas sa Lebanon nga nagpasabot nga ang mga Filipino didto mahimong boluntaryong mopauli sa Pilipinas.
Bisan pa, mahimo nilang ipataas ang Alert Level 4 ug ipanawagan ang mandatory evacuation kung adunay “large-scale internal conflict o full-blown external attack” sa lugar.
Sa pahayag ni De Vega nga sa Beirut, nga mao ang kapital sa Lebanon, ang dili war-zone sa pagkakaron.
Bisan pa niini, hugot nga giawhag sa gobyerno sa Pilipinas ang mga Filipino didto nga mo-avail sa repatriation services o mobakwit sa mas luwas nga lugar.
Matod niya nga adunay kapin sa 11,000 ka mga Pilipino sa Lebanon, apan wala pay 10% niini ang nagpadayag nga mobalik sa Pilipinas.
Mokabat sa 356 ka mga Filipino ang nakauli na gikan sa Lebanon, samtang kapin sa 700 ang nagpaabot pa nga mapauli, samtang naghulat sa ilang exit clearance.
Ang Philippine Embassy sa Lebanon niadtong Biyernes sa gabii (PH time) nagpagawas og advisory sa mga Filipino citizens nga mobiya dayon sa Lebanon samtang abli pa ang airport.
Samtang, kadtong dili makabiya sa Lebanon giawhag sa pagbakwit ngadto sa mas luwas nga mga dapit gawas sa Beirut, South Lebanon, ug sa Bekaa Valley.
Ang mga Filipino nga gustong mo-avail sa repatriation gihangyo sa Embassy nga mo-fill up og forms.
