Monkeypox wala’y bag-ong kaso sa nasud-DOH

Wala pay natala ang Department of Health og bag-ong kaso sa monkeypox virus sa nasud.

Kini nunot sa pagdeklarar sa World Health Organization sa maong virus nga usa ka global public health emergency tungod sa pagsaka sa mga kaso niini sa Africa.

Si DOH Spokesperson Albert Domingo niingon nga wala nadugangan ang gidaghanon nga siyam.

Katapusang kaso nga ilang natala sa nasod niadtong Disyembre 2023.

Giinsister niini nga alerto ang ilang Bureau of Quarantine ilabi na sa mga turista gikan sa kontinente sa Africa.

Kahinumduman nga ang Africa nakatala og kapin sa 15,000 ka kaso sa Mpox diin anaa usab sa kapin 500 ka mga tawo ang nakabsan ug kinabuhi.