Mokabat sa P591.8 bilyones ang gigahin nga pondo alang sa cash assistance o ayuda program sa gobyerno alang sa mga kabus nga pamilya ubos sa proposed 2025 national budget.
Sumala ni DBM Secretary Amenah Pangandaman, sa maong kantidad, ang conditional cash transfer program sa gobyerno nga Pantawid Pamilyang Pilipino Program kon 4Ps, maoy adunay labing dakong bahin nga mokabat sa P114.2 bilyones.
Apil na usab sa pondo ang AICS (Assistance to Individuals in Crisis Situation), TUPAD (Tulong Pang-hanapbuhay sa Ating Disadvantaged/Displaced Workers), libreng tertiary education ug uban pa nga naglakip sa SLP (Sustainable Livelihood Program) ubos sa DSWD (Department of Social Welfare and Development).
Hinuon, gipaklaro sa DBM nga ang Ayuda alang sa Kapos ang Kita Program o AKAP sa DSWD wala na maapil sa 2025 National Expenditure Program.
