Giklaro sa Philippine Institute of Volcanology and Seismology (Phivolcs) nga dili tinuod ang online post nga nagkanayon nga nibuto ang Bulkang Mayon.
Kalabot niini, nanawagan ang ahensya sa pagtaho ug pagtabang sa pagpugong sa pagkatap sa maong mga ‘click-bait’ posts.
Matod sa Phivolcs, walay nahitabong pagbuto sa bulkan ug gitambagan ang publiko nga dili magpakatap og mga sayop nga post nga makamugna og kalibog ug kahadlok.
Gitambagan usab sa ahensya nga susihon una ang balita gikan sa kasaligan nga mga gigikanan sa dili pa kini ipaambit.
Samtang base sa monitoring sa Phivolcs , 1 ka volcanic earthquake ug 1 ka rockfall event ang natala nga adunay weak glow o crater glow nga makita lang gamit ang telescope.
Nagpabiling taas ang alert level 1 o low-level unrest sa bulkan sukad niadtong Marso 5, busa gitambagan ang publiko nga dili mosulod sa permanente nga danger zone tungod sa hulga sa rockfalls, kalit nga steam-driven o phreatic eruption.
