Ang lighter ang usa sa mga butang nga kinahanglan nato apan dili usab dako ang epekto kung kini ang mawala tungod adunay posporo nga mahimo magamit nga pangsindi.
Apan unsa na lang kung ang maong lighter ang hilabihan ka mahal nga ang presyo niini ang morag makapalit na og mahalon nga sakyanan??
Gamiton pa kaha nimo ang maong lighter ukon unsa kaha ang bation kun mawala kini nga butang?
Adunay ginakonsidera nga labing mahal nga lighter sa kalibutan nga ang presyo anaa sa $500,000 ukon 28 million pesos.
Natingala mo nganong hilabihan kini ka-maghal?? Nadekorasyunan man lang kini og 400 grams sa solid gold og 152 sapphires nga miabot sa 41 karats.
Kini nga lighter nga gihimo sa French luxury brand S.T. Dupont og gitawag kini nga Louis XIII Fleur de Parme human nga gi- special request kini ni Steven Hung, usa ka Hong Kong billionaire nga adunay ‘passion’ alang sa French history.
Kini ang giila usab sa Guinness Book of Records isip ‘world’s most expensive cigar lighter’ ukon pinaka-mahal nga lighter sa tibuok kalibutan.
