-- ADVERTISEMENT --
Narekober na ang tanang lawas sa mga pasahero sa nahagsa nga ayroplano sa Brazil.
Sumala sa mga awtoridad sa lugar, nakit-an na usab nila ang block box sa ATR 72-500 plane sa lugar kung asa kini nahagsa sa lungsod sa Vinhedo, nga 80 kilometros gikan sa Sao Paulo, Brazil.
Kasamtangang anaa na sa morgue sa Sao Paulo ang 62 ka mga lawas nga gilangkuban sa 34 ka lalaki ug 28 ka babaye.
Kahinumduman niadtong milabayng Biyernes dihang nahagsa ang nahisgutang eroplano nga gipadagan sa kompanya nga Voepass.
Sa karun, nagpadayon ang imbestigasyon sa mga otoridad sa maong insidente.
-- ADVERTISEMENT --
