GENERAL SANTOS CITY – Ting ulan man u ting -init gipangandaman sa LGU Tupi ang pagpugong sa pagdaghan sa mga lamok nga nagadala sa sakit nga dengue.
Hinungdan nga milihok ang Municipal Health Office pinaagi sa pagpahigayon ug fogging.
Una nga gibutyag ni MDRRMO Emil Sumagaysay nga ang mga sintomas sa dengue ang kinahanglan nga bantayan aron malikayan ang mga komplikasyon niini.
Kung may nasinati-an nga sintomas, dili magduha-duha nga mudangop sa pinakaduol nga nga health center o tambalanan.
Kanunay mensahe sa maong buhatan nga manglimpyo sa palibut ug magbantay sa kaugalingon aron malikayan ang dengue .
Nasuta nga ang usa ka tawo ang posebli nga mataptan makaupat ka higayon tungod aduna kini nagkalain laing matang sa dengue.
Ang lamok nga may dengue may linya nga puti ug itum ang lawas, ug ang lamok nga babaye lamang ang mamaak, tibuok adlaw kung mupaak gikan alas sais sa buntag hangtud alas otso sa buntag ug alas kwatro sa hapon hangtud alas otso sa gabii kung mamaak samtang naga itlog sa limpyu ug wala galihok nga tubig ug magpuyo sa ngitngit nga dapit.
