Sayo nga natapos ang kampanya ni Filipino weightlifter nga si Vanessa Sarno sa 2024 Paris Olympics.
Gihimo ni Sarno ang iyang debut sa Summer Games sa women’s 71kg event ug misulay sa pag-alsa sa 100kg alang sa snatch, apan wala kini nagmalampuson sa iyang tulo ka pagsulay hinungdan nga narehistro ag usa ka DNF (Did Not Finish).
Tungod niini, natapos na ang sulay nga pagtala ug medalya sa mga atletang Pinoy sa weightlifting human sa DNF ni John Ceniza milabayng adlaw sa men’s 61kg event, ug ang 6th place-finish ni Elreen Ando sa women’s 59kg event.
Kahibaloan nga ang Pilipinas adunay duha ka bulawang medalya gikan sa gymnast nga si Carlos Yulo ug duha ka bronze medal gikan sa mga boksidor nga sila si Nesthy Petecio ug Aira Villegas.
Ang mga golfers nga sila si Bianca Pagdanganan ug Dottie Ardina ang nagpabiling anaa sa kompetisyon alang sa nasod.
