Pinoy hurdler John Cabang-Tolentino, nag-sorry tungod sa pag-atras sa dula niini sa Paris, Olympics

Nangayo og pasaylo ang Filipino Olympics qualifier nga si John Cabang Tolentino human nga gideklara sa iyang doktor nga dili na kini makadula sa iyang event sa Paris, France.

Sumala kang John, naka-schedule unta ang dula niini para sa men’s 110-m Hurdles kagahapon, Martes alas-4:50 sa hapon.

Tungod matod pa sa injury hinungdan nga wala na kini nakadula sa heat 2 sa repechage.

Wala na gidetalye sa iyang team ang tibuok istorya kabahin sa naangkong injury sa Pinoy runner.

Bisan ang Philippine Olympic Committee nasayangan usab sa nadangatan ni Tolentino.

Tambag usab sa mga fans, unahon na lang una ni Cabang ang iyang panglawas tungod hinuon daghan pa og kahigayunan aron siya makasali sa ubang event.