Si Carlos Edriel Poquiz Yulo, natawo kaniadtong Pebrero 16, 2000 usa ka Filipino artistic gymnast. Anak nilang Mark Andrew Yulo, usa ka travel agent liaison, ug ni Angelica Yulo usa ka housewife sa Manila, ug nidako sa sa Leveriza Street, Malatem ug ang ika duha sa upat nilang managsuon.
Nagtungha si Carlos sa Aurora A. Quezon Elementary School alang sa iyang primary nga edukasyon sa Manila, kung asa siya nagbansay alang sa Philippine National Games isip kabahin sa gymnastics team sa National Capital Region.
Nagsugod si Yulo sa pagbansay alang sa gymnastics sa dihang siyete anyos pa siya, sa dihang ang iyang apohan nga si Rodrigo Frisco,nakakita kaniya nga nagtumbling sa usa ka playground ug gidala siya sa Gymnastics Association of the Philippines (GAP) alang sa pagbansay ug pinaagi sa suporta sa GAP, nakatungha siya sa Adamson University sa Ermita alang sa iyang sekondaryang edukasyon.
Niadtong 2016, gidawat ni Yulo ang tanyag sa Japan Olympic Association nga magbansay sa Japan ubos sa usa ka scholarship program.
Human mibalhin sa Japan, siya mipadayon sa iyang edukasyon sa Teikyo University sa Itabashi, Tokyo, ug migraduwar tuig 2022 nga adunay kaubang degree sa literatura.
Si Yulo nagsugod sa kompetisyon niadtong 2008 ug miapil sa iyang unang Palarong Pambansa niadtong 2009 sa Tacloban, Leyte.
Tuig 2024 gisugdan ni Yulo ang 2024 season nga adunay bronze medal sa floor exercise sa Baku World Cup.
Dayon sa Doha World Cup, nakadaog siya og bulawang medalya sa parallel bars ug silver medal sa vault.
Nadaog niya ang iyang unang kontinental nga kampeonato sa all-around nga title sa Asian Championships sa Tashkent.
Nakadaog siyag tulo pa ka bulawang medalya sa finals sa kalihokan, sa floor exercise, vault, ug parallel bars.
Atol sa qualification round sa 2024 Summer Olympics sa Paris, France, siya naka-qualify alang sa men’s individual all-around, vault, ug floor.
Una siyang nakigsangka sa individual all-around final niadtong Hulyo 31, nga nagbutang sa ika-12 sa kinatibuk-an nga adunay kinatibuk-ang iskor nga 83.032 puntos.
Gahapon , Agosto 3, nakigtigi siya sa final sa men’s floor exercise ug nag-una sa iskor nga 15,000 puntos. Nahimo siyang unang Filipino gymnast ug ikaduhang Filipino nga nakadaog og Olympic gold medal
