Nanawagan si San Juan Mayor Francis Zamora nga ihunong na ang pagpakatag og mga fake news online diin may kalabotan kini sa hungihong nga nanguyab si Daniel Padilla sa ‘only daughter’ niining si Amanda.
Matud ni Mayor Zamora nga walay kamatuoran nga na-link ang iyang anak kang Daniel, gani ‘no boyfriend since birth’ kini ug kasamtangang naka-focus sa iyang pagtuon.
Butyag sa Mayor nga anaa sa Amerika ang iyang 23 yrs. old nga anak aron sa pagkuha sa Masters sa Marketing Intelligence sa Fordham University nga magsugod karong September.
Gikuwestiyon usab niini ang authenticity sa video nga nagviral online diin nag-uban si Daniel ug si Amanda.
Sigun ni Mayor Zamora nga managhigala lamang sila ni Daniel ug business partner usab.
Dugang sa Mayor, nga duda siya nga magkauyab ang duha sanglit adunay laing mga butang nga gitutukan si Daniel sa iyahang kinabuhi karon.
