Nagpahigayon og mga benefit show ang ubang mga mag-aawit sa nasud agig tabang sa country singer nga si Socorro Avelino o nailhan nga Coritha.
Kasamtangang bedridden na ang singer human na-stroke.
Nanguna nga nilusad og benefit show ang singer nga si Cooky Chua.
Sa social media post sa Color It Red vocalist, ang “Awit Para Kay Coritha” ipasundayag isip benefit show karong Lunes, Agosto 5, 2024 sa My Brothers Mustache sa Hive Hotel.
Pipila sa giimbita sa pagpasundayag mao sila si Bayang Barrios, MIke Villegas, Chikoy Pura, Lolita Carbon ug daghan pang uban.
Gawas sa pinansyal nga tabang, nagkinahanglan usab ang singer og adult diapers ug adult milk.
Nailhan si Coritha sa iyang mga kanta nga “Oras Na”, “Si Lolo Jose”, “Sierra Madre” ug uban pa.
