Personal nga miadto karong adlawa sa Department of Justice og gipasang-at ang reklamo nga drug smuggling og graft batok kang Davao Representative Paolo Duterte, Atty. Mans Carpio, kanhi Customs commissioner Nicanor Faeldon og uban pang indibidwal.
Kini may kalabotan sa kapin P6.4 billion shabu shipment nga naharang kaniadtong 2017.
Matud kang Trillanes, paigo ang ilang nakalap nga mga dokumento og testimonial evidence sa gipahigayong Senate inquiry kaniadtong 2017 kung asa siya senador pa.
Gipaklaro pa niini nga si Charlie Tan nga kasosyo ni Michael Yang ang mitindog nga pinaka-drug lord samtang gitudlo ni Trillanes si Pulong Duterte og Mans Carpio isip protektor matod pa sa mga nasampit.
Nagsilbi usab matod pa nga facilitator sa mga nasamnpit si kanhi Customs commissioner Nicanor Faeldon og uban pang mga indibidwal nga lakip sa reklamo.
“Ngayong araw, ako po ay nagsampa ng drug smuggling case sa DOJ laban kina Pulong Duterte, Mans Carpio, Charlie Tan, Nic Faeldon, Allen Capuyan at iba pang miyembro ng Davao group kaugnay sa P6.4 billion shabu shipment na nahuli noong 2017.”
Ang mga nasampit naatubang sa reklamong paglapas sa Section 4 in relation to Section 26(a) sa Republic Act (RA) 9165 o mas naila sa Comprehensive Dangerous Drugs Act of 2002 nga giamyendahan sa RA 10640 og paglapas sa RA 3019 o Anti-Graft and Corrupt Practices Act.
Nagtuo si Trillanes nga ning higayuna dili na maimpluwesyahan sa pamilya Duterte ang hudikatura.
