Nakahukom ang usa ka lalaki nga mahimong kriminal arun pamatud-an nga dili pa siya patay.
Giila kini nga si Baburam Bhil, taga Mithora village sa Rajasthan kinsang gipatay sa gobyerno sa India.
Nakurat kini sa dihang giisyu ang usa ka death certificate nga adunay iyang pangalan,busa gisulayan niya nga tul-iron ang sayup pinaagi sa pagduol sa state authorities.
Apan, giasoy niini nga kapila na niya gisulayan sa pagtul-id ang maong kasaypanan apan wala tagda ang iyang apela ug subo nga gikompiska sa gobyerno ang iyang mga kabtangan sa rason nga patay na ang tag-iya.
Mao kini ang rason nga nakahunahuna si Baburam nga mahimong bayolente ug mohimo og krimen.
Misulod kini sa usa ka tulunghaan, bitbit ang kutsilyo ug mihimo og eskandalo.
Ang duha ka magtutudlo ug usa ka ginikanan apil mga estudyante ang iyang gi-hostage hangtod nga miabot ang mga pulis.
Pag-abot sa mga kapulisan, gipasabot ni Rajasthan nga makadaghang higayon na siyang mihangyo nga kanselahon ang iyang death certificate apan wala kini tagda.
Ang tumong sa iyang paghimo og eskandalo aron dakpon siya sa mga awtoridad ug pugson ang pulis nga ibutang ang iyang pangalan sa rekord nga pamatuod nga siya buhi ug dili pa patay.
Gipriso ang maong tawo, apan usa kini ka “big win” alang kaniya tungod kay milampos ang iyang plano dihang gipahibalo sa mga awtoridad nga ilang imbestigahan ang kamatuoran sa iyang alegasyon.
