Ang partisipasyon sa unang higayon sa duha ka Philippine Air Force (PAF) FA50 Fighting Eagles sa prestihiyosong Mindil Beach Flypast nga gipahigayon sa Darwin, Australia makonsiderar nga mahinungdanong milestone.
Ang duha ka FA-50 fighter jets gikan sa 7th Tactical Fighter Squadron, 5th Fighter Wing sa PAF.
Ang nasangpit nga aktibidad kabahin sa international military exercise nga Pitch Black 2024, kung asa ang mga air forces gikan sa lain-laing mga nasud ug naghiusa sa pwersa alang sa hiniusang pagbansay, kolaborasyon ug dinagkong pwersa nga ehersisyo.
Ang partisipasyon sa PAF sa Pitch Black 2024 mahimong isipon nga usa ka “makasaysayanong higayon” kung asa gipakita sa kasundalohan ang ilang kapabilidad, pasalig alang sa kooperasyon sa rehiyon ug internasyonal nga mga pakiglambigit.
Ang FA50 Fighting Eagles, naila sa ilang kaabtik ug katukma, nakakuha sa atensyon sa mga tumatan-aw ug mga mahiligon sa aviation samtang ilang gidayandayanan ang Darwin skyline uban sa ubang mga advance fighter jets atol sa flypast.
Gipasiugda ni Col. Randy Pascua, Philippine Contingent Commander ang importansya sa ilang partisipasyon sa Mindil Beach Flypast.
“This marks a proud moment for Philippine Air Force. We are honored to have showcased the FA50 Fighting Eagle alongside our international counterparts in Pitchblack 2024,”
Col Pascua.
