Gibasura sa judge sa Florida ang classified documents case sa Justice Department batok kang kanhi US President Donald Trump.
Matud kang Judge Aileen Cannon nga iyang gitugotan ang motion nga gipasang-at sa kampo ni Trump aron ibasura ang federal case.
Usa sa maong rason nga gilapas matod pa sa Justice Department ang pagtuboy kang Special Prosecutor Jack Smith.
Klaro matod pa nga ang gihimo sa Justice Department paglapas sa Appointments Clause sa balaud sa US.
Una ng nagpasang-at ug not guilty plea si Trump sa pipila ka mga kaso nga adunay kalabotan sa paghupot niini ug mga classified documents lakip ang pagtago niya sa mga national defense information.
Daghang mga classified files ang nakita sa Mar-a-Lago resort ni Trump sa Florida human ang iyang termino kaniadtong 2021.
Nakalatid sa 93 ka panid nga desisyon ni Cannon nga nakumbinsi ang korte nga gilapas ang pagtuboy kang Smith kung asa ang nalatid sa balaud nga ang usa ang papel sa kongreso sa pagtuboy sa constitutional officers ug ang pagtuboy sa kongreso nga nahisubay sa balaud.
