Giila na sa Federal Bureau of Investigation ang gunman nga namusil kang kanhi US President Donald Trump sa State of Pennsylvania kagahapon.
Ang suspek giila nga si Thomas Matthew Crooks, 20 anyos, residente sa Bethel Park, Pennsylvania, USA.
Siya usa ka nursing-home employee ug nagtrabaho isip dietary aid ug taga-andam og pagkaon.
Migradwar si Crooks sa Bethel Park High School niadtong 2022.
Sumala sa usa sa mga nahimong schoolmate niya nga giila nga si Jason Kohler, nakasinati si Crooks ug pagpang-bully kaniadtong high school ug kasagaran mag-inusara nga gakaon.
Ginakantyawan matod pa siya sa pamaagi sa iyang pagsul-ob ug sinena nga kasagaran nga migamit ug hunting outfit.
Base sa gipagawas nga resulta sa inisyal nga imbestigasyon sa US Secret Service, si Crooks rehistrado isip usa ka Republican ug gituohan nga milihok nga nag-inusara dihang gihimo ang pagpamusil.
Migawas nga pila ka higayon na nakita sa mga witness ang maong suspek ug gireport sa kapulisan ang iyang mga kadudahan nga ginahimo.
Sumala sa Butler Police, pipila ka mga report na kabahin sa kadudahan nga aktibidad ang ilang girespondehan, lakip na sa ang report kabahin kang Crooks.
Gituohan nga migamit si Crooks ug usa ka AR-style rifle sa iyang pagpamusil.
Ang AR-15, usa semi-automatic rifle.
Gagamit ang AR-15 ug high-velocity bullets nga nahimo nga mulupad ug hilahihan kapaspas ug kini triple pa sa kapaspason sa usa ka handgun/pistol.
Ang maong pusil ang accurate sa bisan sa lagyong distansiya.
Ang atop kung asa gituohang didto nagpuwesto si Crook ug namusil ang gibanabanaang 150 metros ang a gilay-on gikan sa podium kung asa nagtindog si Trump.
Ang 150 meters mao usab nga distansya nga gigamit sa markmanship training sa mga US Army recruit aron mahatagan sila ug M-16 rifle.
Nakarekober usab ang mga law enforcers ug mga materyales sa paghimo og bomba sa sulod sa sakyanan ni Crook.
Samtang dungan sa assassination attemp kang Trump napusilan usab ang pipila pa ka tawo nga nagresulta sa pagkamatay sa usa ka indibidwal ug duha ang kritikal.
Ang namatay giila nga si Corey Comperatore, 50 anyos, ug usa ka volunteer firefighter.
Gituohan nga giharang niya ang iyang lawas aron protektahan ang pamilya dihang mahitabo ang pagpamusil.
Ang duha ka kritikal giila nga silang David Dutch, 57 anyos, og James Copenhaver, 74 anyos nga pulos nagpuyo sa Pittsburgh.
Bisag unang nareport nga kritikal ang kondisyon sa duha, gibutyag sa local police nga anaa sa stable na ang ilang kahimtang.
