Nagpahanimdom ang Philippine Statistics Authority (PSA) sa mga indibidwal nga mubalibad nga mag- comply sa national population census ug survey nga mahimo sila nga mapreso ug multahan ug P100,000.
Matud ni Marifi P. De Asis, Supervising Statistical Specialist sa PSA-Sarangani-Gensan, kini base sa nalatid sa Republic Act No. 10625 ukon ang Philippine Statistical Act of 2013.
Nalatid usab dinhi nga ang respondents ang gina-obligar nga maghatag ug tinuod ug kompleto nga tubag sa pangutana.
Ning tuiga, mag-deploy ang ahensya ug kapin 70,000 enumerators sa tibuok nasud aron magpahigayon ug survey ug census. Ginaapil sa Population Census ang Community-Based Monitory System (CBMS).
Gipaklaro niini, ang makolekta nga data ang gamiton para ma-update ang population inventory sa nasud ug listahan sa benepisyaryo sa social protection initiatives sama sa Pantawid Pamilyang Pilipino Program (4PS).
Ang census ug survey opisyal nga magsugod sa Lunes, Hulyo 15. Dinhi sa Sarangani GenSan, 400 ka enumerators ang magbalay-balay alang sa census.
