Gihagit ni Presidente Ferdinand Marcos Jr. ang founder sa Kingdom of Jesus Christ nga si Pastor Apollo Quiboloy nga mopakita ug atubangon ang mga akusasyon batok kaniya.
Reaksyon kini sa Presidente human mangayo og reaksyon human sa paghatag og P10 milyones nga reward bugti sa iyang pagkaaresto.
Morag naglagot si Presidente Marcos sa pagkuwestiyon ni Quiboloy sa ilang motibo. Ang Presidente niinsistir nga nagsunod lang sila sa balaod busa angay nga magpakita si Quiboloy.
Gisaway sa kampo ni Quiboloy nganong gidawat sa gobyerno ang donasyon nga kuwarta alang sa iyang ikaaresto.
Si Quiboloy gipasanginlan og child abuse, human trafficking ug uban pa nga iyang gipanghimakak. Una nang gipahibalo ni kanhi Presidente Rodrigo Duterte nga nasayod siya kon asa nagtago si Quiboloy apan dili niya kini gustong ibutyag.
