Makonsidera gihapon nga usa ka nindot nga balita ang pagkapili kang Gilas Pilipinas naturalized player Justin Brownlee sa All-Star Five sa FIBA Olympic Qualifying tournament sa Riga, Latvia.
Bisan nga pakyas ang Pilipinas nga makasulod sa Olympics, mibilib gihapon ang FIBA kang Brownlee nga adunay 23.0 points average, 8.3 rebounds ug 6.3 assists sa tulo ka dula.
Aduna usab kini shooting average nga 46.2 percent gikan sa field ug 43.5 percent gikan sa ‘long distance’.
Sumala sa FIBA nga usa ka maayong player si Brownlee ug dakong factor kini sa Gilas Pilipinas.
Sa habig usab ni Gilas coach Tim Cone nga dominado gayud ni Brownlee ang mga dula kung asa wala nay uban nga makatupong sa iyang kamayo sa pagdula.
Nagpasalamat na lamang si Brownlee sa mga pagdayeg kaniya kung asa dili kini magmalampuson sa kaugalingon lamang kun dili kauban ang tibuok team.
