Mahimo ng magamit ang 28.9-megawatt nga Palayan Binary Geothermal Power Plant human kini maablihan sa Energy Development Corporation.
Ginalauman sa ahensya nga makahatag kini og dugang suplay sa kuryente sa nasud.
Sa usa ka pahayag, ang presidente ug chief operating officer sa Energy Development Corporation nga si Jerome Cainglet miingon nga ang Palayan Binary Geothermal Power Plant kabahin lamang sa gipalapad nga 140 MW Bacon-Manito nga pasilidad sa ahensya.
Panahon pa sa Covid-19 pandemic nga gisugdan ang pagtukod niini samtang ang EDC migahin og P7 bilyones alang sa maong proyekto.
Gipasabot sa opisyal nga ang dakong tabang sa proyekto mao ang pagpugong sa paglungtad sa 72,200 metriko tonelada sa carbon emissions matag tuig.
Mapakunhod usab niini ang greenhouse emissions sa 75% sa tuig 2030.
