Paglobo sa utang sa PH mitala og P15.35T sa katapusan sa Mayo taliwala sa paghuyang sa peso batok foreign currency

Miusbaw sa bag-ong record-high ang utang sa Pilipinas sa katapusan sa Mayo karong tuiga tungod sa epekto sa peso depreciation ug sa padayon nga financing efforts sa gobyerno sumala sa data nga gipagawas sa Bureau of the Treasury (BTr).

Ang utang sa nasudnong panggamhanan niabot sa P15.347 trilyon sa katapusan sa Mayo, mas taas og 2.2% o P330.39 bilyon sa katapusan sa Abril nga anaa sa lebel nga P15.017 trilyon.

Gipasangil sa Treasury ang kini nga pagtaas sa lebel sa utang tungod sa epekto sa pagkunhod sa lokal nga salapi batok sa denominasyon sa mga langyaw nga salapi.

Ang utang sa gawas sa nasud sa laing bahin, nitubo og 4.2% month-on-month, samtang ang year-on-year nga pagtaas sa utang niabot sa 7.4% gikan sa P4.565 trilyon.