Nagpadayag ug kahinam silang NBA superstar LeBron James ug Stephen Curry nga magkauban magdula alang sa Paris Olympics.
Matud ni USA coach Steve Kerr, nagpabilin ang ilang paglaum nga makuha nila ang gold medal sa Olympics nga ilang gihuptan sulod sa lima ka tuig.
Ipadaplin matod pa sa duha ang pagka-magkaribal sa NBA sa 52 ka mga dula nilang pag-atbangay sulod sa 15 ka tuig.
Adunay 29-23 winning record si Curry batok kang LeBron sa NBA nga adunay 17-11 record playoff meeting.
Sa musunod nga semana, magsugod ang ilang training camp sa Las Vegas una magpahigayon ug warm-up games sa batok sa Canada sa Hulyo 10.
Magpahigayon usab ang USA team ug pre-Olympic games sa Abu Dhabi ug London una ang pagsugod sa group game sa Olympics batok sa Serbia sa Hulyo 28.
Kauban nilang James ug Curry sa Team USA silang Kevin Durant, Anthony Davis, Anthony Edwards, Jayson Tatum ug Joel Embiid.
