Lauman na ang mga dugang nga kasong kriminal ang ipasaka batok kang kanhi Negros Oriental 3rd District Representative Arnolfo Teves Jr sa oras nga ma-extradite o mabalik na kini sa Pilipinas gikan sa Timor Leste.
Kini ang gikumpirma ni Pamplona Mayor Janice Degamo, ang biyuda sa gipatay nga gobernador sa Negros Oriental nga si Roel Degamo.
Matud ni Mayor Janice Degamo, daghang pang biktima sa kamangtas sa kanhi magbabalaud ang andam nga muatubang ug mutestigo sa korte.
Galaum usab kini nga paspas ang pagpabalik kang Teves aron atubangon na ang mga kaso nga gipasaka batoki kaniya.
Si Teves ang gitudlong utok sa pagpatay kang Gov. Roel Degamo ug siyam nga uban niadtong Marso sa nakalabay nga datos.
Lakip sa mga kasong giatubang niini mao ang murder, attempted murder ug frustrated murder.
Gawas niini kasong murder usab ang gipasaka batok kaniya alang sa serye sa pagpatay kaniadtong 2019.
Sa karon, wala pay ensaktong adlaw kung kanus-a mabalik sa Pilipinas ang kanhi magbabalaud.
