Nagresulta og kalibog sa pipila nga nakatan-aw sa magkabulag nga video nilang Executive Secretary Lucas Bersamin ug Defense Sec. Gilbert Teodoro Jr.
Una nga milutaw sa miaging semana ang pahayag ni Bersamin nga nagkanayong posibleng misunderstanding lamang ang rason maong nauli sa komprontasyon ang sitwasyon sa Ayungin Shoal nga gikaangol sa mga sundalong Pilipino.
“Well, you know this was probably a misunderstanding or an accident. We’re not yet ready to classify this as an armed attack. I don’t know kung ‘yong mga nakita namin is bolo, axe, nothing beyond that,” pahayag ni Bersamin.
Apan sa latest statement usab, gibutyag ni Defense Secretary Gilberto Teodoro nga tinuyo ug dili aksidente ug dili ‘misunderstanding’ ang natigayong insidente sa Ayungin Shoal kaniadtong Hunyo 17, 2024 kung asa usa ka Navy personnel ang naputlan ug tudlo tungod sa agresibong aksiyon sa China Coast Guard.
Gibutyag ni Teodoro, base sa nahimong pahayag ni Pangulong Ferdinand Marcos Jr., nga wala nagbag-o ang polisiya sa Pilipinas kabahin sa isyu sa West Philippine Sea ug bisan kanus-a dili isurender sa Pilipinas bisan usa ka pulgada sa atong teritoryo.
Sumala sa kalihim bisan kanus-a dili magpapildi ug magpadaug-daog ang Pilipinas bisan kang kinsa.
Dili usab kinahanglan nga mangayo ug permiso bisan kang kinsa sa pagtuman sa gipanumpaan nga responsibilidad partikular sa West Philippine Sea.
Gihingusgan ni Teodoro na magpadayon ang rotation and resupply mission sa BRP Sierra Madre.
“We see the latest incident in Ayungin not as a misunderstanding or an accident. It is a deliberate act of the Chinese officialdom to prevent us from completing our mission,” pahayag ni Teodoro.
Apan una na usab nga gibutyag ni ES Bersamin nga ang inisyal nilang nahimong rekomendasyon pa lamang samtang ang ulahing statement nga gipagawas sa publiko ni Sec. Teodoro ang gikan sa desisyon ni Pangulong Ferdinand Marcos Jr.
Sa ulahi, usa gihapon ang posisyon sa nasud sa pagdepensa sa West Philippine Sea tungod kini klaro nga sakop sa atong hurisdiksyon, ilabina ang anaa sa sulod sa exclusive economic zone.
