Dili usa ka armadong pag-atake ang pinakaulahing insidente sa pagpanghasi sa mga barko sa China sa mga barko sa Pilipinas, nga maoy hinungdan nga naputlan ug kumagko ang usa ka miyembro sa Navy ug lain pang pito ang samdan nga posibleng mahimong hinungdan sa paghisgot sa Mutual Defense Treaty sa Pilipinas uban sa Amerika.
Sa usa ka pakighinabi, gibutyag ni Executive Secretary Lucas Bersamin nga ang insidente tingali usa lamang ka dili pagsinabtanay o aksidente.
Kahinumdoman nga gikompirma sa Armed Forces of the Philippines (AFP) nga usa ka serviceman sa Philippine Navy ang grabeng naangol sa pagbangga sa barko sa China sa usa ka barko sa mga Pilipino nga naglihok tungod sa rotation ug resupply mission sa Ayungin Shoal.
Sa karun wala pay nasapinal nga himuong aksyon batok sa gihimo nga pag harass sa China.
