Plantsado na ang ipahigayong victory parade sa Boston Celtics human nga masungkit nila ang ilang ika-18th championship dihang gipildi ang Dallas Mavericks.
Matud ni Boston Mayor Michelle Wu nga ipahigayon sa Sabado oras sa Pilipinas ang victory parade.
Magsugod ang parada sa home court sa team sa TD Garden ug mulibot sa pipila bahin sa Boston gaya sa Causeway Street, City Hall Plaza, Boston Common ug mahuman kini sa Hynes Convention Center.
Gipangandaman sa Boston government ang maong parada ilabi na nga gilauman nila ang init sa panahon. Wala usab gibutyag kung kinsa ang mga motambong nga celebrities ug mga kanhi NBA o atleta sa maong parada.
Kahinumduman nga gipildi sa Celtics ang Mavericks sa Game 5 Finals sa mismong homecrowd sa Boston.
Sa maong kadaugan gitapos na sa Celtics ang dugay ng pag-tabla nila sa Los Angeles Lakers sa may pinakadaghang championship sa kasaysayan sa NBA.
Giila usab si Jaylen Brown isip Bill Russell NBA Finals Most Valuable Player award human ang dula.
