GENEERAL SANTOS CITY – Gitugyan ni Boy Reyes, operation Manager sa Pescarich ang imbestigasyon sa Bureau of Fire Protection (BFP) sa hinungdan sa pagkasunog sa usa sa gidumala niini nga fishing bangca.
Pagsaysay niini nga nakaangkorahe ang fishing boat PMC 22 dihang kalit miulbo ang kalayo.
Sa Coast Guard ang piyado aron mag-check out aron mularga na padulong sa lawod sa Mati Davao Oriental.
Usa sa panawagan niini sa tigdumala sa fishport nga magbaton ug kaugalingon nga fire truck o kaha hydrant aron may magamit kung adunay sunog nga matigayon.
Matud ni Reyes nga kini na ang ikaduha nga higayon nga may nasunog nga fishing banca sa fish port.
Gani pagbana bana niini anaa sa lima ka milyon ka pesos ang danyos sa pagkasunog sa maong pabagatan.
Nahitabo ang sunog pasado alas 2:00 sa hapon kagahapong adlawa.
Hinuon walay tripulante nga gikataho nga nasamad o kaha nakaangkon ug bun-og human milukso sa dagat ang mga nahisgutan.
