American singer Angela Bofill mipanaw na, 70

Mipanaw na ang American singer-songwrter nga si Angela Bofill sa edad nga 70.

Gikumpirma kini sa iyang manager nga si Rich Engel apan wala na niini gibutyag ang hinungdan sa iyang kamatayon.

Nabiyaan niya ang bana nga si Chris Portuguese ug anak nga babaye nga si Shauna Bofill.

Pipila sa mga sikat nga kanta sa singer mao ang “Break It to Me Gently”, “I Try” ug “This Time I’ll be Sweeter” ug daghan pa.

Mibuhos usab ang pahisubo ug pag-ampo human nga masayran ang maong balita.