GENERAL SANTOS CITY – Ipatawag sa sesyon sa Sanggunian Panlungsod karong adlaw nga Martes, Hunyo 18, 2024 ang incharge sa construction sa DPWH National Office nga nagtotok sa underpass project sa Gensan.
Kini aron mahibaw-an ang daghang pangutana kalabutan sa nagpadayon nga construction sa nahisgutang proyekto nga giingong matapos ang pagtrabaho sa Septembre niining tuiga.
Kini human gipatawag ni City Administrator Franklin Gacal Jr. ang taga DPWH aron hatagan ug katin-awan ang paghunong sa construction sa nahisgutang proyekto.
Gani nahimong kontrobersiyal ang nahisgutang underpass project human mikatag sa social media ang lain-laing hulagway dihang nasudlan ug tubig ang underpass project nga giulan ug mga pagsaway.
Mismong ang administrador sa syudad ang nagpagawas ug mensahe nga dili kasamtangan nga admistrasyon ang mahayon kundi sa nasundan niini nga administrasyon.
