GENERAL SANTOS CITY- Ubay-ubay ang mga miadto sa nagpadayon nga Kalayaan Job Fair karong adlawa nga gipahigayon sa Robinsons Place Gensan.
Mapasalamaton Regional Director Joel Gonzales, Department of Labor and Employment kon DOLE 12 gumikan daghan ang nagtabang kanila alang sa maong aktibidad.
Kapin sa 50 ka mga kompanya nga mitanyag og trabaho lokal man o overseas ang apil sa job fair.
Daghan ang mga on the spot nga na-hire butang nga wala damha sa mga aplikante busa sila nalipay pagmaayo.
Gawas sa job fair anaa usab ang mga laing ahensya sa gobyerno nga mitanyag og serbisyo sa katawhan sa gipahigayon nga one stop shop
Anaa ang personahe gikan sa Philhealth, Department of Foreign Affairs kon DFA, National Bureau of Investigation kon NBI og uban pa aron nga magserbisyo.
Gibutyag ni Gonzales nga ang tumong niini aron nga dili na malisdan ang mga aplikante og ang publiko sa pagproseso sa ilang mga dokomento nga kinahanglanon.
