Pinakataas nga Automated Teller Machine kon ATM sa kalibutan asa ba makit-an?
Atensyon sa mga mahilig magsaka sa bukid ukon mountaineers, sa kadugay na ninyo nga pagsaka, may higayon ba nga nakakita mo ug automated teller machine sa kabukiran?
Siguro wala gyud tungod kon huna-hunaon, imposible usab nga adunay magbutang ug automated teller machine sa sa bukid.
Pero kadali lang, kay didto sa kabukiran nga napatung-an sa China ug Pakistan, adunay usa ka Automated Teller Machine nga nakabutang sa gitas-on nga 4,693 meters nga ginakonsidera nga highest-altitude nga machine sa cash.
Didto kini sa Khunjerab Pass sa Gilgit-Baltistan Province sa Northern Pakistan.
Gi-install sa National Bank of Pakistan (NBP) kaniadtong 2016 ang maong solar ug wind-powered cash machine.
Milungtad sa upat ka bulan ang pag-install niini.
Hilabihan kalisod ang pag-provide ug maintenance ug pag-refill ug cash sa machine sa regular basis tungod ang pinakaduol nga bangko ang may gilay-on nga 82 kilometros.
Kalabanan nga kliyente dinhi mao ang border guards nga nagakuha sa ilang monthly salaries gikan dinhi, mao usab ang pipila ka lumulopyo sa lugar ug ang mga tawo nga nagatabok sa border.
Gibanabanaan usab nga 4 to 5 million rupees ukon $18,350 – $23,000 ukon P1M hangtod P1.5M ang gina-withdraw sa maong machine matag duha ka semana.
