Gitaho sa Philippine Statistics Authority ang pagkunhod sa presyo sa bugas sa bulan sa Mayo ning kasamtangang tuig.
Matod sa ahensya, ang maong pagpakunhod sa presyo alang sa well-milled lakip na ang premium ug special rice.
Diin ang presyo sa matag kilo sa special rice niadtong Mayo niabot lang sa P54.78, nga halos usa ka peso nga mas ubos sa P55.27 matag kilo niadtong bulan sa Abril.
Samtang ang presyo sa matag kilo sa premium rice niabot sa ₱53.43 sa nahisgutang bulan kon itandi sa ₱53.93 nga maoy presyo niini niadtong Abril.
Kalabot niini, ang tibuok presyo sa well milled rice anaa sa average nga presyo nga ₱50.31 matag kilo.
Sa datus sa DA, ang pinakaubos nga presyo karon sa regular milled rice anaa sa ₱45 kada kilo ug ₱48 kada kilo sa well milled rice.
Ang premium nga bugas gipresyohan sa ₱51 matag kilo ug espesyal nga bugas sa ₱56.
