Walay nakit-an nga problema si Senate President Francis ‘Chiz’ Escudero sa bag-o nga mando ni President Ferdinand “Bongbong” R. Marcos Jr. nga ilakip ang “Bagong Pilipinas” hymn and pledge sa flag-raising rites sa government offices ug institusyon nga ginapahigayon matag semana.
Kun siya lang ang pangutan-on sumala sa senate president, walaay daotan kun kantahon ang maong hymn nga nagpadayag nga angayang adunay paglaum, adunay pagtinabangay ug mag-ambisyon nga mapaayo pa ang Pilipinas.
“Pero sa ganang akin kung ako tatanungin, wala namang masamang awitin o sambitin ang mga katagang dapat mayroon tayong pagasa , dapat magtulungan tayo, dapat ambisyunin nating umangat ang ating bansa, dapat magtulungan tayo. Wala naman akong nakikitang masama dun,” pahayag ni Escudero, Hunyo 11.
Dugang pa niini, dili lamang kini pagpahinumdom sa matag kaugalingon, kun dili pahinumdom usab kini sa mga opisyal sa gobyerno nga kini ang mga butang nga pwedeng singlon sa ilaha sa mga kababayan nga mukanta niini nga hymn hilabi na sa mga tulunghaan.
Gibutyag ni Escudero nga i-refer niya kini sa Senate Secretariat aron tun-an kun pwede kini mahimong kabahin sa ilang flag ceremony sa Senado.
Isip independent branch sa gobyerno sumaka kang Escudero nga dili sakop ang Senado sa maong direktiba sa presidente.
Kini nga mando ang nakabutang sa ilawom sa Memorandum Circular (MC) No. 52 nga gipagawas kaniadtong Hunyo 4 apan Domingo lamang nasapubliko ang kopya.
Ilawom sa maong circular, ang tanang government agencies ug instrumentalities lakip na ang government-owned and/or controlled-corporations ug educational institutions ang ginamanduan nga ilakip ang Bagong Pilipinas Hymn and Pledge sa kada semana nga flag ceremonies apan subject sa existing laws, rules and regulations.
Gina-engganyo usab ang local government units nga himuon usab kini.
