Magpahigayon ang South Korea og loudspeaker broadcasts padulong sa North Korea.
Matud pa sa National Security Council sa South Korea nga kini kung subli magpadala ang Pyongyang og mga ballons sa border nga may basura.
Nagpahimangno ang South Korea nga gamiton nila ang “unendurable” measures batok sa North Korea gumikan sa pagpadala sa maong mga balloons.
Nagsugod ang Pyongyang nga magpadala og mga balloons nga may bitbit nga basura og mga hugaw sa border sa miaging Mayo.
Ang maong lakang ang balos sa mga leaflets nga anti-North Korea nga gipadala sa mga aktibista gikan sa South isip kabahin sa usa ka propaganda campaign.
Sa miaging Hunyo, temporaryong giundang sa North Korea ang pagpadala og mga balloons gumikan anaa na sa 15 ka tonelada sa basura ang ilang gipadala.
Paigo na ang mensahe nga buot nila ipadangat nga wala nauyonan ang mga anti-North leaflets.
Apan gibutyag nga magpadayon kung subli magpadala og mga leaflets gikan sa South.
Ang mga broadcast sa South Korea ang gipagawas gikan sa daghang mga loudspeaker nga aana sa dakong rack nga may madunggan ang mga balita sa tibook kalibutan og mga impormasyon kalabutan sa demokratiko og kapitalistang komunidad nga may sagol usab nga mga popular K-pop music.
Gituohan nga ang broadcast ang makaabot hangtud sa 20 kilometro (12.4 milya) padulong sa North Korea.
Matud pa sa militar sa South Korea nga ang North ang nagpalupad og 330 ka balloons nga may bitbit nga basura sugod Sabado og 80 ang nahagsa sa South.
