Mitala na sa 88 milyon ang ihap sa mga Pilipinong nakaparehistro sa ilawom sa Philippine Identification System (PhilSys) ID o national ID.
Unang gitakda sa gobyerno ang 92 millyon nga ihap nga nagparehistro ilawom sa national ID.
Matud kang Deputy National Statistician Fred Sollesta hapit na makab-ot ang naasoy nga ihap pinaagi usab sa padayon nga serbisyo sa mga residente.
Gikan sa halos 88 million nakahimo paghatag ug mapadala ang hangtud sa 51.5 milyon nga physical card sa mga tag-iya samtang tulo ka milyon ang kasamtangang gihatud pa sa mga tag-iya.
Sa kasamtangan adunay nay 25 ka digital version o mga ID nga mamahimo nga maimprenta sa mga registration center sa ahensya.
Ang national ID ang gikonsidera nga pinakamaayo nga magtudlo sa ilhanan sa usa ka Pilipino.
