Danyos sa sektor sa agricultural tungod sa epekto sa El Niño miabot na sa P9.6B

Misaka na sa P9.6 bilyon ang kantidad sa danyos sa sektor sa agrikultura tungod sa El Niño.

Matud kang Assistant Secretary ug DA Spokesperson Arnel de Mesa, anaa sa 100 thousand metric tons ang production loss sa palay tungod sa grabe kainit nga nasinatian.

Apan gamay lamang matud pa kini sa projected loss sa ahensya.

Nakatabang matud pa ang mga sayo nga pagpangandam sa ahensya para makonhuran ang epekto niini sa pananum nga humay.

Dako matud pa ang natabang sa mga napatumang water management intervention ug ang mga bag-ong teknolohiya sa pagtanum ingon man ang mga nindot nga klase sa semilya.

Nangandam matud pa ang DA para usab sa danyos nga dala sa pagsulod sa La Niña.