Boluntaryong misurender sa kapulisan sa Davao City ang driver sa wing van nga nibangga sa PNP checkpoint ug barikada sa boundary nga bahin sa Brgy. Saravia, Koronadal ug Brgy. Palian, Tupi, South Cotabato nga nahitabo niadtong June 3, 2024.
Ang maong wing van gimanehuan ni alyas Oliver, 38 anyos, nga taga-Davao City.
Subay sa gihimong imbestigasyon sa kapulisan ngadto sa driver nasuta nga nakatulog matud pa kini mao nga nabangga niini ang checkpoint ingon man ang barikada.
Dili matud pa niya intensyon ang musibat apan tungod siya nahadlok, didto na lamang kini misurender sa Davao City.
Hinuon naareglo naman ang maong kaso diin gipabayad na lamang ang nasampit sa naguba niini nga checkpoint, samtang apil usab sa iyang gibayran ang CCTV nga apil naguba.
