GENERAL SANTOS CITY – Padayun ang imbestigasyon sa nahitabong pagpamusil patay sa usa ka babaye sa Purok Magnolia, Barangay Calumpang, sa dakbayan sa Heneral Santos.
Giila ang biktima nga si Cindy Cabuguas Petcha, 47 anyos, usa ka kusinera nga may kapuyo, ug usa matud pa ka Purok official.
Sa inisyal nga imbestigasyon sa kapulisan, tulo ka wala mailhing lalake ang suspek sa pagpamusil.
Matud kang Police Major Robert Fores, Chief of Police Calumpang Police Station, samtang ang biktima nanghinlo sa balbacuahan nga iyang gitrabahuan kalit nga misulpot ang duha ka lalake ug gipusil kini upat ka higayun nga hinungdan sa kamatayon niini.
Samtang, ang usa pa ka lalaking suspek nga may dala nga armas ang paspas nga midagan ug misakay sa kotse ug mipalayo sa crime scene.
Sa karon, pagpanimalos ang gitan-aw nga motibo sa otoridad sa krimen.
