-- ADVERTISEMENT --
GENERAL SANTOS CITY – Kinahanglan ug drug test results, psychological test, NBI clearance ug police clearance ang mga traysikol drayber nga mukuha ug prangkisa alang sa ilahang sakyanan.
Kini ang gibutyag ni kagawad Jun Lagare Jr., ang chairman sa Committee on Transportation sa konseho ning dakbayan.
Matud niya nga mandatory ang indibidwal nga aplikante nga mag drug test una makakuha ug application alang sa pag kuha sa maong prangkisa.
Dugang pa ni Atty. Lagare Jr. nga hugot nga sundon sa buhatan ni Atty. Jong Gonzales sa Public Safety Office nga usa lang ka prangkisa ang pwede sa matag aplikante ug dili mamahimong magdoble o mosobra.
