GENERAL SANTOS CITY – Nagpahigayon ug ocular inspection si Gensan Mayor Lorelie Pacquiao sa underpass project human gipahunong ang construction aron mapangitaan ug paagi ang pagpagawas sa tubig nga posibleng matigum sa ilawom nga bahin kung adunay matigayon nga pag-ulan sa syudad.
Matud sa Mayor nga nakigkita kang Atty. Franklin Gacal Jr ang pipila ka opisyal sa Lao Construction human mihangyo nga undagon ang pagtrabaho sa underpass project tungod sa pipila ka revision.
Sumala sa Mayor nga magresume ang pagtrabaho sa mega project human sa pipila ka semana.
Kahinumduman nga gibanawan ug tubig ang silong nga bahin sa Underpass human natigayon ang ulan sa dakbayan.
Takda nga mahuman ang nahisgutang proyekto sa tuig 2025 basi sa pahayag sa DPWH dihang gipangutana sa Konseho ning syudad.
